ინდოეთში, ანდრა პრადეშის შტატში მდებარე სასტუმროში გაჩენილ ხანძარს, რომელიც COVID-19-ის საკარანტინო ზონად გამოიყენებოდა, სულ მცირე შვიდი ადამიანის სიცოცხლე ემსხვერპლა. ამის შესახებ ინფორმაციას Reuters ავრცელებს.
ინციდენტი ადგილობრივი დროით დილის 05:00 საათზე მოხდა. სასტუმროში დაახლოებით 22 პაციენტი მკურნალობდა. ამ დროისათვის სასტუმროში მყოფი ყველა პირი ევაკუირებულია.
შინაგან საქმეთა მინისტრმა ამი შაჰმა მომხდართან დაკავშირებით ღრმა მწუხარება გამოთქვა.
ხანძრის გამომწვევ მიზეზებს გამოძიება დაადგენს.