კორონავირუსის საწინააღმდეგო ჩინური ვაქცინა Sinovac სიკვდილისგან - 98%-ით, ჰოსპიტალიზაციისგან - 96%-ით და ინფექციისგან 94%-ით იცავს. ინფორმაციას ამის შესახებ Bloomberg ავრცელებს.
ინდონეზიის ჯანდაცვის სამინისტრო დედაქალაქ ჯაკარტაში ამ წლის იანვრიდან მარტის ჩათვლით 128,290 სამედიცინო მუშაკის ჯანმრთელობას აკვირდებოდა, რომლებიც ჩინური Coronavac-ით აიცრნენ.
უწყების განცხადებით, ვაქცინამ 98%-ით დაიცვა მედიკოსები სიკვდილისგან, 96%-ით - მეორე დოზის მიღებიდან შვიდი დღის შემდეგ ჰოსპიტალიზაციისგან და 94% - კორონავირუსით დაინფიცირებისგან.
ამავე დროს, ახლა უცნობია კორონავირუსის რომელი შტამის წინააღმდეგ აღმოჩნდა Sinovac-ის ვაქცინა ასეთი ეფექტური.
Sinovac-ის წარმომადგენელმა პეკინში განაცხადა, რომ კომპანია ვერ გააკეთებს კომენტარს ინდონეზიური კვლევის შესახებ, სანამ მეტ მონაცემს არ მიიღებს.