ისრაელის პოლიციამ თელ-ავივსა და იერუსალიმში გამართულ საპროტესტო აქციებზე 29 აქტივისტი დააკავა.
გუშინ ისრაელის რამდენიმე ქალაქში, პრემიერ-მინისტრის გადადგომის მოთხოვნით, მასიური ანტისამთავრობო დემონსტრაციები ჩატარდა, მომიტინგეებმა გადაკეტეს გზები.
14 ადამიანი დააკავეს იერუსალიმში, ხოლო თელ ავივში - 15.
პოლიციის პრესსამსახურის ცნობით, აქციის დასრულების შემდეგ, მომიტინგეებმა დაიწყეს გზების გადაკეტვა. აქციის მონაწილეებმა ცეცხლი წაუკიდეს ნაგვის ურნებს და თავს დაესხნენ პოლიციელებს.