იტალიაში ბოლო დღე-ღამეში კორონავირუსით 349 ადამიანი გარდაიცვალა. ჯამში 2158 ადამიანია გარდაცვლილი. ამის შესახებ ქვეყნის სამოქალაქო თავდაცვის სამსახურის ხელმძღვანელმა, ანჯელო ბორელიმ განაცხადა.
"ჩვენ გამოჯანმრთელების 414 შემთხვევა დავაფიქსირეთ, ჯამში 2746 ადამიანი განიკურნა", - განაცხადა მან.
ბორელის თქმით, ქვეყანაში ბოლო დღე-ღამის განმავლობაში ინფიცირების 3 ათასზე მეტი შემთხვევა დადასტურდა. ინფიცირებულთა საერთო რიცხვი 28 ათასს აღწევს.