იტალიაში, სიცილიის კუნძულზე ვულკანი ეტნა გააქტიურდა და ჰაერში ცხელ ლავასა და კვამლს ისვრის. ინფორმაციას ამის შესახებ გეოფიზიკისა და ვულკანოლოგიის ეროვნული ინსტიტუტი ავრცელებს. ეტნას კრატერიდან გამოსროლილი ფერფლი და კვამლი 4 კილომეტრის სიმაღლეზე ადის. ვულკანის ამოფრქვევას ხმაური და მიწისქვეშა ბიძგები ახლავს თან.
ეტნას გააქტიურებასთან დაკავშირებით იტალიაში მოსახლეობას სიფრთხილისკენ მოუწოდეს.
ეტნა ევროპაში ყველაზე მაღალი მოქმედი ვულკანია.