იტალიის პროფესიონალური საფეხბურთო ლიგა, სერია-A სეზონს 20 ივნისს განაახლებს. 28 მაისს იტალიის ფეხბურთის ფედერაციასთან შეხვედრის შემდეგ, ეს ინფორმაცია სპორტის მინისტრმა, ვინჩენცო სპადაფორამაც დაადასტურა. სპადაფორამ განაცხადა, რომ კონსულტაცია იტალიის პრემიერ მინისტრ ჯუზეპე კონტესთანაც გაიარა, რომელმაც გადაწყვეტილებას მხარი დაუჭირა.
ფედერაციის განცხადებით, თუ იტალიაში კორონავირუსის გავრცელება კვლავ მასშტაბურ სახეს მიიღებს, სერია-A სეზონს ისევ შეაჩერებს.