აშშ-ს პრეზიდენტმა, ჯო ბაიდენმა კოსმოსურ სააგენტო NASA-ს ბიუჯეტი გაუზარდა პროექტისთვის, რომლის ფარგლებშიც ამერიკელი ასტრონავტები 2024 წლისთვის მთვარეზე უნდა დაბრუნდნენ. ინფორმაციას ამის შესახებ Dailytelegraph ავრცელებს.
ავსტრალიის ნაციონალური ინსტიტუტის კოსმოლოგი და ასტროფიზიკოსი დოქტორი ბრედ ტაკერი აცხადებს, რომ მთვარეზე დაბრუნების გეგმა პრეზიდენტმა ტრამპმა შეიმუშავა, ბაიდენის ადმინისტრაციამ კი პროექტ Artemis-თვის NASA-ს დამატებით $400 მილიონი გამოუყო.
ტაკერის თქმით, მნიშვნელობა არ აქვს რომელი პოლიტიკური ფრთის მხარდამჭერი ხარ, მნიშვნელოვანია, რომ აშშ-მ ეს მისია განახორციელოს, რადგან ეს მთელი ქვეყნის პოლიტიკური მიზნის მიღწევა იქნება.