ჯუდი დენჩი თვითიზოლაციაში TikTok-ით ერთობოდა - VIDEO

მსახიობმა ჯუდი დენჩმა ბრიტანულ ტელეარხ Channel 4-თან ინტერვიუში ისაუბრა, როგორ აიტანა თვითიზოლაცია, რომელიც კორონავირუსის პანდემიით იყო განპირობებული.

სოციალურ ქსელში მსახიობი 22 წლის შვილიშვილის, სემ უილიამსის წყალობით გამოჩნდა. ჯერ კიდევ აპრილში მათ მონაწილეობა საცეკვაო გამოწვევაში მიიღეს.

"ამან გადამარჩინა. მე TikTok-ზე არაფერი ვიცი. სემი კი ტექნიკურად კარგად გათვითცნობიერებული ადამიანია და იდეების გენერატორი ის იყო", - განაცხადა ჯუდი დენჩმა.

მსახიობმა ასევე ისაუბრა მიზნებზე, რომლებსაც კარანტინის დროს ისახავდა.

"მე შექსპირის სონეტებს ვსწავლობდი. ცოტაც ვხატავდი. მეგობრებს ვესაუბრებოდი და სემთან ერთად TikTok-ს ვიღებდი", - ამბობს დენჩი.