ავღანეთის დედაქალაქში თვითმკვლელმა ტერორისტმა თავი აიფეთქა. 16 ადამიანი დაიღუპა, 119 დაშავდა.
აფეთქება ქაბულის დიპლომატიურ უბანში მოხდა, რომელიც Green Village-ის სახელითაა ცნობილი.
ის იმდენად ძლიერი იყო, რომ ახლომდებარე ბენზინგასამართ სადგურზე ხანძარი გამოიწვია.
ადგილობრივი მედია წერს, რომ დაშავებულთა შორის ბავშვებიც არიან.
პოლიცია ვარაუდობს, რომ ასაფეთქებელი მოწყობილობა ავტომობილში იყო დამონტაჟებული.
მომხდარზე პასუხისმგებლობა რადიკალურმა მოძრაობა „თალიბანმა“ აიღო.