აშშ-ში, კალიფორნიის შტატში სასტიკ მკვლელობაში ეჭვმიტანილ 2 პირზე ძებნაა გამოცხადებული. 21 წლის სანტოს ფონსეკამ და 20 წლის ჯონათან სალაზარმა კალიფორნიის ციხის იზოლატორიდან გაქცევა მოახერხეს. ეჭვმიტანილები მკვლელობისა და მრავლობითი დანაშაულების ბრალდებით 2018 წელს დააკავეს.
მიმდინარეობს გამოძიება. ჯერჯერობით უცნობია, როგორ მოახერხეს ეჭვმიტანილებმა ციხიდან თავის დაღწევა. პოლიციის განცხადებით, ახლა მთელი რესურსი მათი დაკავებისკენ არის მიმართული.