კორონავირუსის ახალი შტამი, რომელიც დეკემბერში სამხრეთ აფრიკის რესპუბლიკაში დაფიქსირდა, უკვე კანადაშიც გამოვლინდა. ამის შესახებ ალბერტის პროვინციის მთავარმა სანიტარულმა ოფიცერმა დენ ჰინშომ CBC-სთან ინტერვიუში განაცხადა.
კორონავირუსის "სამხრეთ აფრიკული შტამი" უცხოეთიდან დაბრუნებულ მამაკაცს დაუდასტურდა. ინფიცირებული ამ დროისათვის კარანტინშია მოთავსებული.
”მამაკაცი დაუყოვნებლივ იზოლირებულ იქნა. ის თავს კარგად გრძნობს“, - განაცხადა ჰინშომ. მისი განცხადებით, ინფიცირებული პირის კონტაქტები სრულად არის შესწავლილი.
ცნობისთვის, "სამხრეთ აფრიკული შტამის" - 501.V2 ვირუსით ინფიცირების პირველი შემთხვევები შვეიცარიაშიც დაფიქსირდა.