კანადაში „მოდერნას“ ვაქცინის გამოყენების ნებართვა გასცეს. ამის შესახებ ინფორმაციას „როიტერი“ ავრცელებს.
სააგენტოს ცნობით, კანადა 2020 წლის ბოლომდე „მოდერნას“ 168 000-მდე დოზას მიიღებს.
31 იანვრისთვის კი „ფაიზერისა“ და „მოდერნას“ ვაქცინების 1,2 მილიონი დოზა ექნება.
როგორც ქვეყნის პრემიერ-მინისტრმა, ჯასტინ ტრუდომ ბრიფინგზე განაცხადა, ბნელი ზამთრის შემდეგ გაზაფხული მოდის და უკეთესი დღეები წინ არის.
კანადაში ამჟამად კორონავირუსის მეორე ტალღაა.