ბრაზილიაში, ქარიშხლის შედეგად, ნახევარი მილიონი ადამიანი ელექტროენერგიის გარეშე დარჩა.
სანტა კატარინას შტატში ქარი წამში 30 მეტრის სიჩქარით მოძრაობდა.
სტიქიას სულ მცირე 7 ადამიანი ემსხვერპლა. ერთი კაცი ქარმა ხიდიდან გადააგდო, ერთი - შენობის ნანგრევებში მოჰყვა, ერთი ქალი კი წაქცეულმა ხემ იმსხვერპლა.
ათობით ადამიანი დაკარგულად ითვლება.
მანამდე სამხრეთ ბრაზილიაში რეკორდული მასშტაბის - 704 კილომეტრზე გადაჭიმული ელვა დაფიქსირდა. ეს, მსოფლიო მასშტაბით, წამის განმავლობაში ყველაზე გრძელი გაელვება იყო.