მოხუცთა თავშესაფარში გაჩენილი ხანძრის გამო, რომლის შედეგად 15 ადამიანი დაიღუპა, 22 იანვარი ხარკოვში გლოვის დღედ გამოცხადდა. ამის შესახებ ადგილობრივი მედია წერს.
ხანძართან დაკავშირებით პოლიციამ სამი პირი დააკავა: სახლის მეპატრონე, შენობის მოიჯარე და უკანონო დაწესებულების ადმინისტრატორი.
შეგახსენებთ, 21 იანვარს უკრაინაში, ხარკოვში მოხუცთა თავშესაფარში გაჩენილმა ხანძარმა 15 ადამიანი იმსხვერპლა. მაშველებმა 9 ადამიანის გადარჩენა შეძლეს. 5 ადამიანი საავადმყოფოში გადაიყვანეს.
ხანძრის მიზეზებს სპეციალური სამთავრობო კომისია დაადგენს.