ხომალდმა Ocean Viking, რომელიც ხმელთაშუა ზღვაში მიგრანტების გადარჩენითაა დაკავებული, ბორტზე 184 ადამიანი აიყვანა. ინფორმაციას ამის შესახებ ჰუმანიტარული ორგანიზაცია "ექიმები საზღვრების გარეშე" ავრცელებს.
"102 ადამიანი ლიბიის სანაპიროდან 80 საზღვაო მილში, კიდევ 82 კი მალტის სამაშველო ზონაში გადაარჩინეს", - ნათქვამია ორგანიზაციის განცხადებაში.
ჯამში, 5 ღამის ოპერაციის შედეგად გადარჩენილ მიგრანტთა რაოდენობამ 407 ადამიანი შეადგინა.