სოციალურ ქსელში კიანუ რივზის შეყვარებულთან ერთად გამოჩენას ძალიან დიდი აჟიოტაჟი მოჰყვა, მაგრამ ეს ისტორია ამით არ დასრულებულა. კიანუს რჩეული ალექსანდრა გრანტი მსახიობ ჰელენ მირენში აერიათ.
ინციდენტს თავად მირენი გამოეხმაურა და განაცხადა, რომ მან კომენტარებით ძალიან იხალისა.
”მე კარგად ვიცნობ კიანუს. ის ჩემს მეუღლესთან ერთად ფილმში მონაწილეობდა და ყველაზე საყვარელი ადამიანია,” - თქვა მირენმა.
მირენი 1997 წლის საშინელებათა ფილმს, ”ეშმაკის ადვოკატს” გულისხმობდა.
.„ასე რომ, ამ გოგონას გაუმართლა და დარწმუნებული ვარ, რომ ისიც იღბლიანი ბიჭია", - აღნიშნა მირენმა.