ვაშინგტონის კონგრესის შენობასთან სატვირთო ავტომობილის მძღოლი აფეთქებით იმუქრებოდა. ტერიტორიიდან მოქალაქეების ევაკუაცია გახდა საჭირო. გავრცელებული ინფორმაციით მამაკაცი, რომელიც დეტონატორით იყო შეიარაღებული, ამბობდა, რომ მანქანაში ბომბი ჰქონდა, რომელსაც კონგრესის ბიბლიოთეკასთან ააფეთქებდა.
პოლიცია რამდენიმე საათის განმავლობაში აწარმოებდა მასთან მოლაპარაკებას, რათა "შესაბამისი გამოსავალი" მოეძებნათ. მედიაში გავრცელებული ინფორმაციის თანახმად, მამაკაცი სამართალდამცველებს ჩაბარდა.
მისი მოტივი ამ დრომდე უცნობია.