ქუვეითის ჯანდაცვის სამინისტროს განცხადებით, ქვეყანაში ახალი ტიპის კორონავირუსისგან პირველი პაციენტი გარდაიცვალა. ამის შესახებ სააგენტო KUNA იუწყება.
ჯანდაცვის სამინისტროს ოფიციალური წარმომადგენლის თქმით, გარდაცვლილი ემირატში მცხოვრები 46 წლის ინდოეთის მოქალაქეა.
გასული დღე-ღამის განმავლობაში, ინფიცირების 62 ახალი შემთხვევა გამოვლინდა, რითაც ქვეყანაში შემთხვევების საერთო რაოდენობამ 479-ს მიაღწია. ამავდროულად, განიკურნა 93 ადამიანი.