ბელარუსის პრეზიდენტის, ალექსანდრ ლუკაშენკოს განცხადებით, სამართალდამცველებმა დააკავეს ჯგუფის წევრები, რომლებიც მასზე და მის შვილებზე თავდასხმას გეგმავდნენ. ამის შესახებ ინფორმაციას ადგილობრივი მედია ავრცელებს.
ლუკაშენკოს განცხადებით, დაკავებული პირები აშშ-ის სპეცსამსახურებთან არიან დაკავშირებულები.
"აღმოვაჩინეთ, რომ ამაში საგარეო დაზვერვის სამსახურები იყვნენ ჩართულები - სავარაუდოდ CIA (ცენტრალური სადაზვერვო სააგენტო), FBI (გამოძიების ფედერალური ბიურო)", - განუცხადა ლუკაშენკომ ჟურნალისტებს.
ბელარუსის პრეზიდენტი ფიქრობს, რომ მისი ლიკვიდაციის განკარგულება აშშ-ის ხელისუფლების უმაღლესმა პირებმა გასცეს.