ამერიკელმა პოპ მომღერალმა, მადონამ ბილ გეითსის ფონდს - Bill & Melinda Gates Foundation ერთი მილიონი აშშ დოლარი შესწირა, რომლის მთავარ ამოცანასაც COVID-19-ის ვაქცინის შემუშავება და დაზარალებულთა მკურნალობა წარმოადგენს. ამის შესახებ ინფორმაციას Variety ავრცელებს.
მადონამ საკუთარ ვებგვერდზე განცხადება განათავსა და აღნიშნა, რომ უერთდება Bill & Melinda Gates Foundation-ის წამოწყებას და სამედიცინო პერსონალს, გაწეული შრომისთვის მადლობა გადაუხადა.
შეგახსენებთ, რომ Microsoft- ის დამფუძნებლის, ბილ გეიტისა და მისი მეუღლის, მელინდას საქველმოქმედო ფონდმა კორონავირუსის დასამარცხებლად ბრძოლისთვის 100 მილიონი აშშ დოლარი გამოყო, საიდანაც 60 მილიონ აშშ დოლარი COVID-19-ის ვაქცინის შემუშავებას, ხოლო დარჩენილი თანხა, მკურნალობის მეთოდებისა და დიაგნოსტირების გაუმჯობესებისთვის დაიხარჯება.