ვაშინგტონში უცნობმა მამაკაცმა ცეცხლსასროლი იარაღით სამი ქალი ჩაცხრილა, რის შემდეგ ხანძარი გააჩინა ბინაში, რომელშიც სამი თვის ბავშვი იმყოფებოდა. ინფორმაციას ტელეარხი NBC News ავრცელებს.
პოლიციის ცნობით, ორი ქალი ადგილზე გარდაიცვალა. მეხანძრეებმა ალის დროული ჩაქრობა მოახერხეს. ბავშვი გადარჩა. ის ახლა საავადმყოფოში იმყოფება.
წინასწარი ინფორმაციით, სროლის მიზეზი ოჯახური კონფლიქტი გახდა. ჯერჯერობით უცნობია, დაკავებულია თუ არა მამაკაცი.