მარსზე ყველგანმავალი Perseverance-ზე მიმაგრებულმა მინიატურულმა ვერტმფრენმა წითელ პლანეტაზე პირველი დამოუკიდებელი ღამე გაათენა. არსებობდა საშიშროება, რომ ტემპერატურის -90 °C- მდე დაცემისას Ingenuity-ის ბატარეები დაზიანდებოდა, თუმცა საფრენმა დრონმა გამოცდა ჩააბარა. ლითიუმ იონური აკუმულატორი საკმარისად შეფუთული აღმოჩნდა იმისთვის, რომ ასეთი პირობებისთვის გაეძლო.
ამგვარად, Ingenuity-იმ მნიშვნელოვანი ეტაპი გადალახა, რაც იმას ნიშნავს, რომ მალე ის გახდება პირველი ობიექტი, რომელიც სხვა პლანეტაზე გაფრინდება.
სავარაუდოდ, 7 აპრილს დრონი ფრთების გაშლას დაიწყებს და გაიტესტება ბორტ კომპიუტერი. 12 აპრილს კი შესაძლოა უკვე ისტორიული მოვლენის მომსწრენიც გავხდეთ.