მეხიკოს მაცხოვრებლის შრომითი შემოსავალი 2020 წლის პირველ-მესამე კვარტალში თვეში 2,434–დან 1,716 პესომდე დაეცა. ამის შესახებ მექსიკის სოციალური განვითარების პოლიტიკის შეფასების ეროვნულ საბჭოში განაცხადეს.
ყველაზე დიდი კლება დედაქალაქში ფიქსირდება. ასევე, ყველაზე მეტად პანდემიით დაზარალდა შტატები, რომელიც ტურიზმზე იყო დამოკიდებული.
ამასთან, მოსახლეობის რიცხვი, რომლის შემოსავალი სასურსათო კალათის ღირებულებაზე ნაკლებია, 35.7%-დან 44.5%-მდე გაიზარდა. ეს ნიშნავს, რომ პანდემიის გამო სიღარიბეში სულ მცირე 11,4 მილიონი მექსიკელი აღმოჩნდა.