მექსიკაში შეიარაღებული თავდასხმების სერიას 14 ადამიანი ემსხვერპლა

მექსიკაში, ტამაულიპასის შტატში, სერიული შეიარაღებული თავდასხმების შედეგად 14 ადამიანი დაიღუპა, ხოლო სამი დაიჭრა. 

გავრცელებული ინფორმაციით, ბოროტმოქმედთა ჯგუფები რამდენიმე ავტომობილით გადაადგილდებოდნენ.  

ადგილობრივი მედიის ცნობით, დაკავებულია ერთი ადამიანი, რომელსაც ავტომობილის საბარგულით ორი მძევალი გადაჰყავდა. 

ძალოვანმა სტრუქტურებმა გამოძიება და დამნაშავეთა სამძებრო სამუშაოები უკვე დაიწყეს.