ამერიკულ კორპორაციას Microsoft აშშ-ის სამთავრობო უწყებებზე განხორციელებული კიბერთავდასხმა შეეხო. ამის შესახებ სააგენტო Reuters წერს.
Microsoft ამერიკული კომპანია SolarWinds-ის პროგრამებით სარგებლობდა, რომლებშიც ჰაკერებმა შეაღწიეს. ამასთან დაკავშირებით, მავნე პროგრამების გავრცელებისთვის, შესაძლოა, Microsoft-ის პროდუქციაც ყოფილიყო გამოყენებული. კონკრეტულად რა პროდუქტზეა საუბარი, ჯერჯერობით უცნობია.
ამასთან, ექსპერტების თქმით, ჰაკერებმა, რომელთა უკან რუსეთი დგას, კიბერთავდასხმების შედეგად აშშ-ის შიდა უსაფრთხოების დეპარტამენტის კომპიუტერულ სისტემებზე მიიღეს წვდომა.
17 ნოემბერს ცნობილი გახდა, რომ რუსმა ჰაკერებმა აშშ-ის სამთავრობო სტრუქტურებზე მასშტაბური შეტევა განახორციელეს.