მოსკოვის სამხრეთ-აღმოსავლეთ ნაწილში მდებარე მრავალფუნქციურ ცენტრში სროლა მოხდა. ინფორმაციას რუსული მედია ავრცელებს.
წინასწარი მონაცემებით, ორი ადამიანი დაიღუპა და 3, მათ შორის არასრულწლოვანი, დაშავდა.
გავრცელებული ცნობებით, მამაკაცს დაცვის წევრთან კონფლიქტი მოუვიდა, რადგან ვიზიტორს პირბადის გაკეთება სთხოვეს. ამის შემდეგ მამაკაცმა იარაღი ამოიღო და ცეცხლი გახსნა.