აშშ-ის აერონავტიკისა და კოსმოსური სივრცის კვლევის ეროვნულმა სამმართველომ (NASA) Twitter-ის ოფიციალურ გვერდზე მარსზე გადაღებული უმაღლესი ხარისხის ახალი ფერადი ფოტოები გამოაქვეყნა. ამის შესახებ CNN წერს.
გამოცემის ცნობით, ფოტოები NASA-ს მკვლევარმა მანქანამ Perseverance-მა გადაიღო.
ერთ–ერთ სურათზე წითელი პლანეტის ზედაპირია ასახული, მეორეზე - მისი ლანდშაფტი ჰორიზონტის ხაზით. ხოლო მესამეზე თავად როვერია აღბეჭდილი პლანეტაზე დაჯდომამდე.
Perseverance-ის როვერი მარსზე 18 თებერვალს დაეშვა. NASA–ს ისტორიაში მეხუთე როვერი შვიდი სამეცნიერო ინსტრუმენტით არის აღჭურვილი, რომლებიც წითელი პლანეტის სტრუქტურასა და გეოლოგიას შეისწავლიან.