აშშ-ის აერონავტიკისა და კოსმოსის კვლევის ეროვნულმა სააგენტომ (NASA) მარსზე გაგზავნილი მარსმავლ Perseverance-ის მიერ გადაღებული მაღალი გარჩევადობის პანორამული სურათი გამოაქვეყნა. მარსმავალი თავის ფოტოებში ჯეზეროს კრატერის იმ არეალს გვიჩვენებს, საიდანაც როვერთან ერთად მარსზე გაშვებულმა ვერტმფრენმა, წითელ პლანეტაზე პირველი ისტორიული ფრენა განახორციელა.
NASA-ს ინფორმაციით, 2,4 მილიარდ პიქსელიანი, 360-გრადუსიანი პანორამული ხედის მქონე გამოსახულება 992 კადრისგან არის აწყობილი.