NASA-ს ლეგენდარული მათემატიკოსი, რომელიც სააგენტოში უამრავი მისიის ტრაექტორიის გამოთვლას ახორციელებდა. 101 წლის ასაკში, აშშ-ში გარდაიცვალა.
"ჩვენ ცნობილი მათემატიკოსის, კეტრინ ჯონსონის გარდაცვალებით დამწუხრებულები ვართ. დღეს მის 101-ე წელს აღვნიშნავთ და მის დიდებულ მემკვიდრეობას პატივს მივაგებთ, რომელმაც რასობრივი და სოციალური ბარიერები დაანგრია", - ნათქვამია სააგენტოს ინფორმაციაში.
ჯონსონმა NASA-ში მუშაობა 1953 წელს დაიწყო. რამდენიმე ათწლეულის განმავლობაში ის სააგენტოში კომპიუტერული ასტრონომიული ნავიგაციით იყო დაკავებული. კერძოდ, ისეთი პროექტების ტრაექტორიები გამოთვალა, როგორიცაა "მერკური", "სპეის შატლი", "აპოლონ 11-ის" მისია მთვარეზე 1969 წელს.
2015 წელს მაშინდელმა აშშ-ს პრეზიდენტმა, ბარაკ ომაბამ ის თავისუფლების მედლით დააჯილდოვა.