აშშ-ში, ალაბამას შტატში, მდინარე ტენესის სანაპიროზე, ნავსადგურში მდგომი 35 ნავი ხანძარმა გაანადგურა. ზოგიერთ მათგანს მფლობელები საცხოვრებლად იყენებდნენ. 7 ადამიანი, რომელთაც გადარჩენა ცურვით სცადეს, საავადმყოფოში გადაიყვანეს. მათ სხეულის გადაციება და მსუბუქი ტრავმები აღენიშნებათ.
ბოლო მონაცემებით, დაღუპულია 8 ადამიანი, თუმცა, შესაძლოა, ეს რიცხვი გაიზარდოს. ხანძრის მომენტში ნავებზე მყოფი ადამიანების რაოდენობა ზუსტდება.
ხანძრის გამომწვევი მიზეზი, ჯერჯერობით, უცნობია.