ვენესუელის პრეზიდენტი ნიკოლას მადურო და მისი მეუღლე სელია ფლორესი კორონავირუსზე აცრეს. ამის შესახებ მადურომ Twitter-ის ოფიციალურ გვერდზე განაცხადა.
”როგორც ხალხს დავპირდი, პირობა შევასრულე ... ჩემი პირველი დოზა მივიღე, აცრა გავიკეთე”, - დაწერა ვენესუელის პრეზიდენტმა.
ნიკოლას მადუროს ვაქცინაცია რუსული Sputnik V ვაქცინით ჩაუტარდა.
შეგახსენებთ, ვენესუელაში კორონავირუსზე ვაქცინაცია 18 თებერვალს დაიწყო.