უსაფრთხოების მიზნით, გერმანია ჯარების ნაწილს ერაყიდან იორდანიასა და ქუვეითში გადაიყვანს. ჯარისკაცები, შესაძლოა, სლოვაკეთმაც გაიწვიოს.
გერმანიის თავდაცვის სამინისტრომ ევროპარლამენტის დეპუტატებს ამის შესახებ გუშინ ღამე აცნობა. ამჟამად ერაყში NATO-ს კონტინგენტის ფარგლებში 120 გერმანელი ჯარისკაცი იმყოფება.
სამხედროების გასაყვანად სლოვაკეთიც ემზადება. ქვეყნის 7 სამხედრო მოსამსახურე NATO-ს საწვრთნელ მისიაში მონაწილეობდა.შესაბამისი მოთხოვნა ქვეყნის პარლამენტის სპიკერმა, ანდრეი დანკომ განაცხადა. სლოვაკეთის პრემიერ-მინისტრმა, პიტერ პელეგრინიმ კი აღნიშნა, რომ გადაწყვეტილება მოკავშირეებთან კონსულტაციების შემდეგ იქნება მიღებული.