აშშ-ის პრეზიდენტი დონალდ ტრამპი კოროვირუსის პანდემიის განმავლობაში პირველად, საზოგადოებაში სამედიცინო პირბადით გამოჩნდა. ამის შესახებ BBC იუწყება.
პრეზიდენტმა ვაშინგტონის გარეუბანში მდებარე ვალტერ რიდის საავადმყოფო მოინახულა, რომელიც სამხედრო-სამედიცინო ცენტრს წარმოადგენს.
"პირბადის წინააღმდეგი არასდროს ვყოფილვარ, მაგრამ ყველაფერს აქვს თავისი დრო და ადგილი", - განაცხადა ტრამპმა.
გამოცემის ცნობით, მანამდე, აშშ-ის პრეზიდენტი საზოგადოებრივი თავშეყრის ადგილებში ყოველთვის პირბადის გარეშე გამოდიოდა.