ამერიკული ფარმაცევტული კომპანია Pfizer გრიპის საწინააღმდეგო ვაქცინის კლინიკურ ცდებს იწყებს, რომელიც ისეთივე mRNA-ტექნოლოგიაზე არის დაფუძნებული, როგორც COVID-19-ის საწინააღმდეგო ვაქცინა. ინფორმაციას Medical Xpress ავრცელებს.
კომპანიაში აცხადებენ, რომ მათ გრიპის საწინააღმდეგო ვაქცინების გაუმჯობესება სურთ, რომელთა ეფექტურობა 40-60%-ია. ამასთან, აღნიშნულია, რომ გრიპს წელიწადში 650 ათასი ადამიანი ეწირება.
კვლევებში მონაწილეობას 65-დან 85 წლამდე 600-ზე მეტი ამერიკელი მიიღებს.
მომავალში Pfizer mRNA-ტექნოლოგიის გამოყენებას სხვა რესპირატორული ვირუსების, კიბოსა და გენეტიკური დაავადებების წინააღმდეგაც გეგმავს.