პაბლო პიკასოს ნამუშევარი ,,ქალი ფანჯარასთან’’ ნიუ-იორკში, კრისტის აუქციონზე 103 მილიონ დოლარზე უფრო ძვირად გაიყიდა. ინფორმაციას აუქციონის საიტი ავრცელებს.
ნახატი გამოცხადებული იყო აუქციონის ერთ ერთ მთავარ ლოტად. მისი საბოლოო ფასი 90 მილიონ დოლარს შეადგენდა, ხოლო ყველა ხარჯის გათვალისწინებით, მყიდველმა 103,4 მილიონი დოლარი გადაიხადა.
პიკასოს ნამუშევარი 1932 წელს იყო შესრულებული. ის მანამდე 2013 წელს იყო გამოტანილი აუქციონზე, სადაც 44,8 მილიონ დოლარად გაიყიდა.
აუქციონზე მხატვრის სხვა ნამუშევრებიც გაიყიდა, თუმცა მათი ფასი ბევრად ჩამოუვარდებოდა ნახატს - ,,ქალი ფანჯარასთან’’.
პიკასოს ,,ქალი სავარძელში’’ (1941 წ.) აუქციონზე 17,2 მილიონ დოლარად, ხოლო ,,ქალის თავი’’ – 4,1 მილიონ დოლარად გაიყიდა.