სამთვიანი კარანტინის შემდეგ პოლონეთმა მეზობელ ქვეყნებთან საზღვრები გახსნა. ამის შესახებ Deutsche Welle იუწყება.
მედიის ცნობით, პოლონეთი-ლიეტუვას საზღვარზე კონტროლი გუშინ გვიან ღამით მოიხსნა, ხოლო დღეიდან საზღვარი გაიხსნა გერმანიასთან, სლოვაკეთთან და ჩეხეთთან.
პოლონეთის მთავრობამ დღეიდან მოხსნა ორკვირიანი კარანტინი ევროკავშირის მოქალაქეებისა და უცხოელებისთვის, რომელთაც ევროკავშირში ცხოვრების უფლება აქვთ.
პოლონეთში ავიამიმოსვლა 15 მარტს შეჩერდა, ფრენები 16 ივნისიდან აღდგება.