გასულ კვირას, მსოფლიოს მასშტაბით, კორონავირუსით ინფიცირების საერთო ახალი შემთხვევები 14%-ით შემცირდა. ასევე შემცირებულია სიკვდილიანობაც (2%-ით). ინფორმაციას ჯანდაცვის მსოფლიო ორგანიზაცია ავრცელებს.
გასულ კვირას, კორონავირუსის 4 144 658 ახლად გამოვლენილი შემთხვევა დაფიქსირდა, ხოლო 84 306 პაციენტი გარდაიცვალა. თუმცა, მასობრივი ვაქცინაციის ფონზე, აღინიშნება პოზიტიური ტენდენციები.
კოვიდ-ინფიცირება შემცირებულია ევროპაშიც (25%-ით) და სამხრეთ-აღმოსავლეთ აზიაში (21%-ით). თუმცა შემთხვევებმა მოიმატა აფრიკაში (4%-ით) და ამერიკის კონტინენტზე (2%-ით). რაც შეეხება სიკვდილიანობას, მისი მაჩვენებელი მცირე ნიშნულით, მაგრამ ყველგან შემცირებულია.