ცნობილი მომღერალი, 47 წლის რიკი მარტინი მეოთხე შვილის მამა გახდა. ბიჭს რენი დაარქვეს.
მომღერალმა ახალშობილის ფოტო „Instagram“-ზე გამოაქვეყნა და დაწერა: “ჩვენი ვაჟი, რენ მარტინ-იოზეფი დაიბადა“.
რიკი მარტინს და მის ქმარს, ჯეიან იოზეფს კიდევ სამი შვილი ჰყავს. ტყუპი ძმები ვალენტინო და მატეო 2008 წლის 6 აგვისტოს გაჩნდნენ, გოგონა ლუსია კი 2018 წლის 31 დეკემბერს. ოთხივე ბავშვი სუროგატმა დედებმა გააჩინეს.