რუსეთმა და საფრანგეთმა, 2020 წლის ბოლოს, ერთმანეთის დიპლომატები დედაქალაქიდან ფარულად გააძევეს. ამის შესახებ ფრანგული გამოცემა Les Echos სანდო წყაროებზე დაყრდნობით იუწყება.
გამოცემის ცნობით, საფრანგეთმა პარიზში რუსეთის საელჩოს ეკონომიკური განყოფილების ერთ-ერთი ხელმძღვანელი მას შემდეგ გააძევა, რაც იგი ჯაშუშობაში იქნა ეჭვმიტანილი.
რუსეთმა საფრანგეთის ქმედებას ანალოგიურად უპასუხა და მოსკოვში საფრანგეთის საელჩოს ეკონომიკური განყოფილების ერთ-ერთი დიპლომატი ქვეყნიდან გააძევა.
გამოცემას აღნიშნავს, რომ ოპერაცია გასაიდუმლოებულად მიმდინარეობდა.