რუსეთის კემეროვოს ოლქში, მაღაროში მომხდარი აფეთქების შედეგად, რომლის დროს მეთანის გაჟონვა დაფიქსირდა, 63 ადამიანი გარდაიცვალა. ინფორმაციას რუსული მედია ავრცელებს.
ლისტვიაჟნაიას მაღაროში დაშავებული 50 ადამიანი საავადმყოფოებში რჩება, 13 კი ამბულატორიულ მკურნალობას გადის.
ინციდენტი კემეროვოს ოლქში 25 ნოემბერს მოხდა. აფეთქებისას მაღაროში 285 ადამიანი იმყოფებოდა. მათი ნაწილი ამოიყვანეს.
მომხდარის გამო, კემეროვოს ოლქში სამდღიანი გლოვა გამოცხადდა.