რუსეთში, კალინინგრადის რაიონის სოფელ კუმაჩევოს მახლობლად ავტობუსი სატვირთო მანქანას შეეჯახა. შეჯახების შედეგად, ავტობუსი ამოყირავდა. გარდაცვლილია ავტობუსის შვიდი მგზავრი. ამის შესახებ ინფორმაციას რუსული მედია ავრცელებს.
ადგილობრივი მედიის ინფორმაციით, გარდაცვლილთა შორის, ერთი არასრულწლოვანია. კიდევ რვა მგზავრი დაზიანებებით საავადმყოფოშია გადაყვანილი.
წინასწარი ვერსიით, უბედური შემთხვევის პროვოცირება ავტობუსის მძღოლმა გამოიწვია, რომელიც საპირისპირო ზოლში გავიდა.