რუსეთში გასული დღე-ღამის განმავლობაში კორონავირუსის 10,499 ახალი შემთხვევა გამოვლინდა, შედეგად ინფიცირებულთა საერთო რაოდენობა 1,215,001-მდე გაიზარდა. ამის შესახებ განცხადებას ქვეყნის კორონავირუსის ინფექციის გავრცელებასთან ბრძოლის ოპერაციული შტაბი ავრცელებს.
ბოლო 24 საათის განმავლობაში, კორონავირუსს კიდევ 107 ადამიანის სიცოცხლე ემსხვერპლა. ეპიდემიის გავრცელებიდან დღემდე, რუსეთში კორონავირუსით გარდაცვლილთა რიცხვი 21,358-ს შეადგენს.
რუსეთში კორონავირუსისგან 979,143 ადამიანი განიკურნა, ხოლო 214,500 კვლავ ინფიცირებულია.