რუსეთში, ზაბაიკალიეს რაიონში, სამხედრო ნაწილში ჯარისკაცმა 8 ადამიანი მოკლა. ინფორმაციას ამის შესახებ რუსეთის თავდაცვის სამინისტრო ავრცელებს.
უწყების ცნობით, ჯარისკაცმა კოლეგებს ტაბელური ცეცხლსასროლი იარაღიდან ცეცხლი გაუხსნა.
"8 სამხედრო მოსამსახურე ადგილზე დაიღუპა, ორმა სხვადასხვა ხარისხის ჭრილობები მიიღო", - ნათქვამია რუსეთის თავდაცვის სამინისტროს განცხადებაში.
ჯარისკაცი დაკავებულია. მისი მოტივები ჯერჯერობით უცნობია.