ჩელიაბინსკში, სამხრეთ ურალის სახელმწიფო უნივერსიტეტის სტუდენტურ კლინიკაში მომხდარ აფეთქებას მსხვერპლი მოჰყვა. ამის შესახებ რუსული მედიის ტელეგრამ არხები იუწყებიან.
გავრცელებული ინფორმაციით, გარდაცვლილია საავადმყოფოს ორი პაციენტი, რომლებიც ინტენსიური თერაპიის განყოფილებაში იმყოფებოდნენ. მათი გარდაცვალების მიზეზი, აფეთქებით გამოწვეული, სასუნთქი აპარატის გაუმართაობა გახდა.
-12:25-
რუსეთში, ჩელიაბინსკში, სამხრეთ ურალის სახელმწიფო უნივერსიტეტის სტუდენტურ კლინიკაში აფეთქება მოხდა. ამის შესახებ რუსული მედია იუწყება.
რეგიონის ჯანდაცვის სამინისტროს ცნობით, ჟანგბადის ბალონების აფეთქების შედეგად შენობაში ხანძარი გაჩნდა.
ამ დროისათვის, შემთხვევის ადგილზე საგანგებო სიტუაციების სამინისტროს თანამშრომლები მუშაობენ.