შაბათის საბერძნეთის ჩრდილო-დასავლეთ ნაწილში 5,6 მაგნიტუდის მიწისძვრა მოხდა, რამაც შენობების დაზიანება გამოიწვია.
ათენის გეოდინამიკის ინსტიტუტის განცხადებით, მიწისძვრა ადგილობრივი დროით 2:49 საათზე მოხდა. სტიქიის ეპიცენტრი სანაპირო ქალაქ პარგადან 11 კილომეტრის მოშორებით, ხოლო ათენიდან 316 კილომეტრის დაშორებით მდებარეობს.
ABC News ადგილობრივ მედიაზე დაყრდნობით იუწყება, რომ, სტიქიის შედეგად, ახლომდებარე სოფელ კანალაკში ჩამოინგრა რამდენიმე ძველი და დაუსახლებული შენობა, ნაკლებად მძიმე დაზიანება მიადგა ახალაშენებულ სახლებს, თუმცა, ამის მიუხედავად მიწისძვრას მსხვერპლი არ მოჰყოლია.