საფრანგეთში ასობით მეხანძრე ხანძარს ებრძვის

საფრანგეთის შინაგან საქმეთა მინისტრის ჟერარ დარმანენის თქმით, ასობით მეხანძრე ქვეყნის სამხრეთ ნაწილში, ვარის რაიონში გაჩენილ ხანძრებთან საბრძოლველად გაგზავნეს. ინფორმაციას სააგენტო Reuters ავრცელებს.

მინისტრის თქმით, ხანძრის სალიკვიდაციო სამუშაოებში 650 მეხანძრე-მაშველია ჩართული.

ადგილობრივი ხელისუფლების ცნობით, ოპერაციაში რამდენიმე სპეციალიზებული თვითმფრინავიც მონაწილეობს.

”ამინდის პირობები უკიდურესად არახელსაყრელია”, - განაცხადა დარმანენმა.