საფრანგეთში COVID-19-ის მესამე ტალღა დაიწყო, - ამის შესახებ ეროვნულ ასამბლეაში გამოსვლისას ქვეყნის პრემიერ-მინისტრმა, ჟან კასტექსმა განაცხადა.
"ჩვენ ეპიდემიის ერთგვარ მესამე ტალღაში ვიმყოფებით, რომელიც ვირუსის სხვადასხვა ვარიანტებით ხასიათდება", - განაცხადა მან.
მანამდე ცნობილი გახდა, რომ საფრანგეთის ჩრდილოეთ-დასავლეთ ნაწილში COVID-19-ის ახალი, მანამდე უცნობი შტამი დაფიქსირდა. სპეციალისტების თქმით, არსებული ტესტებით მისი დადგენა საკმაოდ რთულია.
Worldometers-ის ცნობით, ამ დროისთვის საფრანგეთში კორონავირუსით ინფიცირების 4 078 133 შემთხვევაა დადასტურებული, 273 771 პაციენტი გამოჯანმრთელდა, 90 762 გარდაიცვალა.