საფრანგეთში მსუბუქი სამგზავრო თვითმფრინავისა და ვერტმფრენის შეჯახების შედეგად 5 ადამიანი გარდაიცვალა. ამის შესახებ ადგილობრივი საინფორმაციო გამოცემა Nouvelle Republique იუწყება.
გამოცემის ცნობით, უბედური შემთხვევა 10 ოქტომბერს ადგილობრივი დროით დაახლოებით 17.00 საათზე ლოშის კომუნის ცაზე მოხდა. მსუბუქ ვერტმფრენში ორი ადამიანი იმყოფებოდა, ხოლო ტურისტულში - სამი.
აღნიშნულ ინფორმაციას ქალაქის მერი, მარკ ანჟენოც ადასტურებს.
გამოცემა აღნიშნავს, რომ ამ დროისათვის, შეჯახების მიზეზები ცნობილი არ არის.
ამჟამად შემთხვევის ადგილზე 40-მდე მეხანძრე-მაშველი მუშაობს.