სამხრეთ კორეის სამედიცინო დაწესებულებებმა ანტისხეულებზე დაფუძნებული, COVID-19-ის საწინააღმდეგო პრეპარატის Rekirona-ს გამოყენება მასობრივად დაიწყეს.
ანტივირუსული საშუალება გამოიყენება ძირითადად 60 წელზე მეტი ასაკის პაციენტებისთვის, რომლებსაც COVID-19-ის სიმპტომების გამოვლენიდან 7 დღის განმავლობაში არ სჭირდებათ სასუნთქი აპარატები.
კორეელი ექსპერტების აზრით, პრეპარატი ასევე გამოიყენება COVID-19-ით ინფიცირებულ იმ პაციენტებშიც, რომლებსაც აწუხებთ გულ-სისხლძარღვთა დაავადებები, ქრონიკული რესპირატორული დაავადებები, დიაბეტი და ჰიპერტენზია. ცნობილია, რომ სამხრეთ კორეის საავადმყოფოები Rekirona-ს პრეპარატს უფასოდ აწვდიან პაციენტებს.