რუსეთის საგარეო საქმეთა მინისტრი სერგეი ლავროვი სამუშაო ვიზიტით ბაქოს 10-11 მაისს ეწვევა.
ამის შესახებ ბრიფინგზე რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.
ბაქოში ლავროვი მოლაპარაკებებს აზერბაიჯანის ხელმძღვანელობასთან გამართავს.
5-6 მაისს კი სერგეი ლავროვი ერევანს ეწვევა.
"კონტაქტების დროს, დეტალურად იქნება განხილული ორმხრივი და რეგიონული თანამშრომლობის საკითხების ფართო სპექტრი, ასევე საერთაშორისო არენაზე ურთიერთქმედების საკითხები”, - განაცხადა ზახაროვამ ბრიფინგზე.